பிறந்த உடனே கின்னஸ் சாதனை படைத்த குழந்தை

அமெரிக்காவின் (USA) அயோவா நகரில் 21 வாரங்கள் மட்டுமே வளர்ச்சி கண்ட ஒரு குழந்தை தனது முதலாவது பிறந்தநாளை கொண்டாடியுள்ளது. இக்குழந்தை, உலகின் மிக முன்கூட்டியே பிறந்த குழந்தையாக (World's Most Premature Baby) கின்னஸ் உலக சாதனையில் பதிவு செய்யப்பட்டுள்ளது.

அமெரிக்காவின் லோவா மாகாணத்தை சேர்ந்த ரண்டால் கீன்-மோலி தம்பதிக்கு கடந்த வருடம் ஜூலை 05 ஆம் திகதி ஒரு ஆண் குழந்தை பிறந்தது. அக்குழந்தைக்கு நாஷ் கீன் என்று பெயரிடப்பட்டது.

குழந்தை நாஷ் தனது தாயின் கருவிலிருந்து வெறும் 21 வாரங்களில், அதாவது சுமார் 133 நாட்களுக்கு முன்பாகவே குறைப் பிரசவத்தில் ஒரு சோப்பு கட்டியின் அளவில் பிறந்துள்ளது.

குழந்தை நாஷ் சுமார் 06 மாதங்கள் அயோவா பல்கலைக்கழக குழந்தைகள் மருத்துவமனையின் தீவிர சிகிச்சைப் பிரிவில் வைக்கப்பட்டிருந்தது. அங்கு குழந்தையின் உடல்நிலை தீவிரமாக கண்காணிக்கப்பட்டும் வந்தது. கடந்த ஜனவரி மாதம்தான் குழந்தையை அதன் பெற்றோருடன் வீட்டிற்கு செல்வதற்கு மருத்துவர்கள் அனுமதித்தனர். 

தற்போது 01 வயதை தாண்டிய நாஷ், உலகின் மிக முன் கூட்டியே பிறந்த குழந்தையாக (World's Most Premature Baby) கின்னஸ் உலக சாதனையில் பதிவு செய்யப்பட்டுள்ளமை குறுிப்பிடத்தக்கது.