நாட்டில் நிலவுகின்ற சீரற்ற கால நிலையால் தம்பலகாமம் கிண்ணியா பிரதான வீதியின் முள்ளியடி பகுதி உட்பட பிரதான வீதியிலும் வெள்ள நீர் ஊடறுத்துப் பாய்வதன் காரணமாக தரை வழிப் போக்குவரத்து தடைப்பட்டுள்ளது.
இன்று (27) கடும்மழை காரணமாக குறித்த பகுதியின் தாழ் நிலப் பகுதிகள் நீரில் மூழ்கியுள்ளதுடன் தம்பலகாமம் கோயிலடி பகுதியிலுள்ள நெற்செய்கை விவசாய நிலங்களும் மூழ்கியுள்ளன.
200 க்கும் மேற்பட்ட நிலங்கள் தண்ணீரில் மூழ்கியுள்ளதுடன். பாலம் போட்டாறு, பத்தினிபுரம், முள்ளிப்பொத்தானை உள்ளிட்ட பல பகுதிகளின் தாழ் நிலப் பகுதிகளும் தண்ணீரில் மூழ்கியதுடன் வீடுகளுக்குள்ளும் தண்ணீர் புகுந்ததால் பல்வேறு அசௌகரியங்களை பாதிக்கப்பட்ட மக்கள் எதிர்நோக்குகின்றனர்.
தாயிப் நகர், தம்பலகாமம் வைத்தியசாலை வரையான வீதியின் ஒரு பகுதி தரை வழிப் போக்குவரத்தும் வெள்ள நீரால் குறித்த வீதி ஊடறுத்துப் பாய்வதால் தடைப்பட்டுள்ளதுடன் மாற்று வழிகளை பயன்படுத்துமாறும் பிரதேச செயலக அனர்த்த முகாமைத்துவப் பிரிவு தெரிவித்துள்ளது.
இது போன்று குளக்டோட்டன் பாடசாலையின் முன்னாலுள்ள பாலம்போட்டாறு வரையான வீதியின் ஒரு பகுதியின் தரை வழிப்போக்குவரத்தும் பாதிக்கப்பட்டுள்ளது.
குறித்த பாதிப்புக்குள்ளான பகுதிகளை தம்பலகாமம் பிரதேச செயலாளர் நேரில் சென்று பார்வையிட்டு, தண்ணீரை வழிந்தோடச் செய்யவும் நடவடிக்கைகள் தொடர்பிலும் விசேட கவனம் செலுத்தி வருகிறார்.
0 Comments