திருகோணமலை – மட்டக்களப்பு பிரதான வீதி மூடபட்டது.

 திருகோணமலை மட்டக்களப்பு பிரதான வீதியின் இறால்குழி பிரதேசத்தில் வெள்ளநீர் அதிகரித்ததால் இன்று (30) காலை முதல் வீதி முழுமையாக மூடப்பட்டுள்ளது.

பிரதான வீதியின் உப்பாறு பாலத்திற்கு முன்னாலும், இறால்குழி பிரதேசத்திலும் வீதித்தடை ஏற்படுத்தப்பட்டுள்ளது. குறித்த இடத்தில் பொலிஸார் கடமையில் ஈடுபட்டுள்ளனர். இதனால், மூதூர் பிரதேசம் வழியாக திருகோணமலை மற்றும் கிண்ணியாவினூடாக மட்டக்களப்புக்கு செல்லும் போக்குவரத்துக்கான பாதை தற்காலிகமாக தடை செய்யப்பட்டுள்ளது.

பொதுமக்கள் இவ்விடத்தில் அதிகளவில் தரித்து நிற்பதை கவனத்திற் கொண்டு, அதிகாரிகள் அவசர தேவையற்ற பயணங்களைத் தவிர்க்குமாறும் வலியுறுத்தி வருகின்றனர்.