திருகோணமலையில் வெள்ளத்தில் மூழ்கிய தாழ் நிலப் பகுதிகள்: மக்கள் பெரும் அவதி

நாட்டில் சீரற்ற காலநிலையால் திருகோணமலை சுமேதகம பகுதியில் வீசிய கடுங்காற்றினால் 03 மரங்கள் முறிந்து வீழ்ந்ததில் 02 வீடுகள் சேதமடைந்துள்ளன.

திருகோணமலை மாவட்டத்தில் கடந்த சில தினங்களாகப் பெய்துவருகின்ற அடைமழை காரணமாக மாவட்டத்தின் திருகோணமலை, மூதூர், மூதூர் கிழக்கு, வெருகல், கிண்ணியா, குச்சவெளி, புல்மோட்டை, தம்பலகாமம் உட்பட பல பகுதிகள் வெள்ளத்தில் மூழ்கியுள்ளதோடு, மக்களின் இயல்பு வாழ்க்கையும் பாதிக்கப்பட்டுள்ளது.

நேற்று அதிகாலை வீசிய கடுமையான காற்றின் காரணமாக திருகோணமலை வைத்தியசாலையில் கழிவுகளை எரிக்க பயன்படுத்தப்பட்டு வந்த உபகரணமும் இதில் சேதமடைந்துள்ளது.  

தம்பலகாமம் பிரதேச செயலகப் பிரிவிலுள்ள தாழ் நிலப் பகுதிகளும் வெள்ளத்தில் மூழ்கியுள்ளதாக தெரிவிக்கப்பட்டுள்ளது.

 அங்கு கனமழை தொடர்ந்தும் பெய்து வருவதால் பாடசாலை செல்லும் மாணவர்கள் வீதியில் பயணிக்க முடியாமல் பெரும் அசௌகரியங்களை எதிர்கொள்கின்றனர்.