லோஸ் ஏஞ்சல்ஸ் ஒலிம்பிக்கில் கிரிக்கெட் விளையாட்டு மீண்டும் அரங்கேற்றப்படவுள்ளது. இந்த ஒலிம்பிக் போட்டிக்கான கிரிக்கெட் அட்டவணை வெளியிடப்பட்டுள்ளது. இறுதியாக, 1900 ஆம் ஆண்டு பாரிஸ் ஒலிம்பிக்கில் கிரிக்கெட் சேர்க்கப்பட்டது.
இந்நிலையில், லோஸ் ஏஞ்சல்ஸில் நடைபெறும் ஒலிம்பிக் - 2028 இல் கிரிக்கெட் போட்டிகள் ஜூலை 12 ஆம் திகதி தொடக்கம் 29 ஆம் திகதி வரை நடைபெறுமென்று அறிவிக்கப்பட்டுள்ளது. ஒலிம்பிக் கிரிக்கெட் போட்டிகள் T20 வடிவத்தில் நடைபெறும்.
தங்கம், வெள்ளி, வெண்கலப் பதக்கங்களுக்காக அணிகளுக்கிடையிலான போட்டி நடக்கும். பதக்கத்துக்கான போட்டிகள் ஜூலை 20 (பெண்கள்) மற்றும் 29 (ஆண்கள்) ஆகிய திகதிகளில் நடைபெறும்.
ஒவ்வொரு நாளும் இரண்டி போட்டிகள் நடைபெறும். இப்போட்டிகள் இந்திய நேரப்படி முறையே இரவு 9.30 PM மணிக்கும், காலை 7.00 மணிக்கும் நடைபெறும். ICC T20 தரவரிசையில் முதல் 06 இடங்களைப் பிடிக்கும் அணிகள் ஒலிம்பிக்கிற்கு தகுதி பெறும்.
அனைத்துப் போட்டிகளும் லோஸ் ஏஞ்சல்ஸில் இருந்து சுமார் 50 KM தொலைவிலுள்ள பொமோனாவின் ஃபேர்லேக்கில் கட்டப்பட்ட தற்காலிக மைதானத்தில் நடைபெறுமென்று அறிவிக்கப்பட்டுள்ளது.
0 Comments