எதிர்வரும் காலங்களில் அரச, தனியார் பாடசாலைகள் மற்றும் மேலதிக வகுப்பு ஆசிரியர்களுக்கும் கற்பித்தலுக்கான அனுமதிப்பத்திரம் வழங்கும் நடைமுறை அறிமுகப்படுத்தப்படவுள்ளது.
அதன் பின்னர் அரச மற்றும் தனியார் பாடசாலைகள், மேலதிக வகுப்பு நிறுவனங்கள் மற்றும் ஏனைய கல்வி நிறுவனங்களில் அனுமதிப்பத்திரம் (Teaching Permit) இன்றி கற்பித்தலில் ஈடுபடுபவர்கள் எதிர்காலத்தில் கைது செய்யப்படுவர் என்று தொழில் உறவுகள் பிரதி அமைச்சர் மகிந்த ஜயசிங்க தெரிவித்துள்ளார்.
இது தொடர்பில் அவர் மேலும் தெரிவித்துள்ளதாவது, அரச மற்றும் தனியார் பாடசாலைகளில் ஆசிரியராக வேலை செய்வதற்கோ அல்லது தனிப்பட்ட டியூசன் வகுப்புகள் நடத்துவதற்கோ சம்பந்தப்பட்ட கல்வி மற்றும் பயிற்சி தகுதிகளுடன் அதிகாரபூர்வ அனுமதிப்பத்திரம் அவசியம் தேவைப்படுகின்றது.
இது இல்லாமல் செயல்படுவோர் மீது கடுமையான சட்ட நடவடிக்கைகள் எடுக்கப்படும் என்று தெரிவிக்கப்பட்டுள்ளது.
கற்பித்தலுக்குத் தகுதியற்ற பலர் ஆசிரியர்களாக கற்பித்தலில் ஈடுபட்டு மாணவர்களின் எதிர்காலத்தை பாழாக்குவதாக பல்வேறு தரப்பிலிருந்தும் கிடைக்கப் பெற்ற புகார்களை அடுத்தே இக்கட்டுப்பாடு அறிமுகப்படுத்தப்படவுள்ளதாக பிரதிமைச்சர் மஹிந்த ஜயசிங்க மேலும் தெரிவித்துள்ளார்.
0 Comments