இலங்கையில் குறைந்து வரும் ஆண்கள் எண்ணிக்கை!

 இலங்கையில் ஆண் மக்கள் தொகை குறைவது எதிர்காலத்தில் பல்வேறு நெருக்கடிகளை உருவாக்கக் கூடும் என்று வடமேற்கு பல்கலைக்கழகத்தின் சிரேஷ்ட பேராசிரியர் அமிந்த மெத்சில் என்பவர் தெரிவித்துள்ளார்.

1995 ஆம் ஆண்டில் 100 பெண்களுக்கு 100.2 ஆண்கள் காணப்பட்ட நிலையில், தற்போது அது 100 பெண்களுக்கு 93.7 ஆண்களாகக் குறைந்துள்ளதாகவும் அவர் சுட்டிக்காட்டினார்.

பெண்களின் ஆயுட்காலம் அதிகரிப்பு, பெண்களின் பிறப்பு வீதம் உயர்வு, மற்றும் இளம் ஆண்களின் வெளிநாட்டு இடம்பெயர்வு ஆகியவை இம்மாற்றத்திற்கு முக்கிய காரணங்களாக அமைந்துள்ளதாகவும் பேராசிரியர் அமிந்த மெத்சில் மேலும் சுட்டிக்காட்டியுள்ளார்.