திருமண பந்தத்தில் இணைகிறார் ஜீவன் தொண்டமான்

 இலங்கை தொழிலாளர் காங்கிரஸின் பொதுச் செயலாளர் ஜீவன் தொண்டமானின் திருமணம் எதிர்வரும்  நவம்பர் 23 ஆம் திகதி தமிழ்நாடு, திருப்பத்தூரில் நடைபெறவுள்ளது. இவருடைய நிச்சயதார்த்த நிகழ்வு நேற்று (19) சிறப்பாக இடம்பெற்றது.

ஜீவனின் பாட்டனார் செளமியமூர்த்தி தொண்டமான் காலத்திலிருந்து மணமகளின் உறவினர்களுடன் தொண்டமான் குடும்பத்தினருக்கு நெருங்கிய உறவு இருந்ததாக தெரிவிக்கப்படுகின்றது.

தமிழக முதலமைச்சர் உட்பட தமிழக அரசியல்வாதிகள் பலரும் குறித்த திருமணத்தில் கலந்து கொள்ளவுள்ளனர்.

இங்கு இலங்கையிலும் நவம்பர் 28 ஆம் திகதி ஜனாதிபதி உட்பட்ட அரசியல் பிரமுகர்கள் மற்றும் அதிதிகளுக்கு விசேட விருந்துபசாரம் ஒன்றும் இடம் பெறும் என்று தெரிவிக்கப்பட்டுள்ளது.