ஹோல் ஆஃப் ஃபேம் கௌரவத்தில் இணையும் ஃபெடரர்

 சுவிட்ஸர்லாந்து டென்னிஸ் நட்சத்திரம் ரோஜர் ஃபெடரர், 'இன்டர்நேஷனல் டென்னிஸ் ஹோல் ஆஃப் ஃபேம்'-இல் இணைக்கப்பட்டு கௌரவிக்கப்பட்டார்.

அமெரிக்காவின் ரோட் ஐலேண்டிலுள்ள குறித்த அமைப்பானது, டென்னிஸ் விளையாட்டுக்கு சிறப்பாக பங்களித்தோரை கௌரவித்து வருகின்றது. அவ்வகையில், 2026 ஆம் வருடத்துக்கான பட்டியலுக்கு ஃபெடரர் தேர்வு செய்யப்பட்டு கௌரவிக்கப்பட்டுள்ளார்.

அடுத்த வருடம் ஆகஸ்ட்டில் நடைபெறும் நிகழ்ச்சியில் அவர், குறித்த ஹோல் ஆஃப் ஃபேம் அருங்காட்சியகத்தில் உத்தியோகபூர்வமாக இணைக்கப்படுவார். 2022 இல் டென்னிஸிலிருந்து ஓய்வு பெற்றுள்ள ஃபெடரர், இவ்விளையாட்டின் வரலாற்றில் ஜிம்மி கானர்ஸ்க்கு (106) பின்னர் அதிக டூர் நிலை பட்டங்கள் (103) வென்றவராக காணப்படுகிறார்.

20 கிராண்ட்ஸ்லாம் பட்டங்கள் வென்ற முதலாவது வீரரான ஃபெடரர், 28 மாஸ்டர்ஸ் பட்டங்களும் வென்றிருக்கிறார். இது தவிர, தனது உச்ச ஃபார்மில் இருந்த போது, ஏ.டி.பி. தரவரிசையில் உலகின் நம்பர் 01 வீரராக தொடர்ந்து 237 வாரங்களுக்கு (2004 பெப்ரவரி - 2008 ஓகஸ்ட்) நீடித்த சாதனையும் அவர் வசம் உள்ளது குறிப்பிடத்தக்கதாகும்