வெனிசுலா நாட்டில் ஏற்பட்டுள்ள அதிரடி அரசியல் மாற்றங்களுக்கு மத்தியில், அந்த நாட்டு மக்களுக்கு இலவச இணையத்தள சேவையை வழங்குவதாக எலான் மஸ்க் அறிவித்துள்ளார்.
வெனிசுலா நாட்டின் ஜனாதிபதி நிக்கோலஸ் மதுரோவை அமெரிக்க படைகள் அதிரடியாகக் கைது செய்து அமெரிக்காவின் நியூயோர்க்கிற்கு கொண்டு சென்றுள்ள நிலையில், அங்கு நிலவும் தகவல் தொடர்புக் குறைபாடுகளை நீக்குவதற்கு ‘ஸ்டார்லிங்க்’ (Starlink) மூலமாக பெப்ரவரி 03 ஆம் திகதி வரை இலவச இணையம் வழங்கப்படுமென்று எலான் மஸ்க் தெரிவித்துள்ளார்.
நிக்கோலஸ் மதுரோ போதைப்பொருள் கடத்தல் வழக்குகளுக்காக அமெரிக்க நீதிமன்றத்தில் முன்னிலைப்படுத்தப்படவுள்ள நிலையில், வெனிசுலாவின் நிர்வாகத்தை சீரமைக்கும் வரை அமெரிக்கா அந்த நாட்டை வழிநடத்தும் என்று டொனால்ட் ட்ரம்ப் அறிவித்துள்ளார்.
பத்து ஆண்டு கால மதுரோவின் ஆட்சி அமெரிக்காவின் நேரடி இராணுவ நடவடிக்கையின் மூலமாக முடிவுக்கு கொண்டு வரப்பட்டுள்ளமை உலக அரங்கில் பெரும் அதிர்வலைகளை ஏற்படுத்தியுள்ளது.
0 Comments