66 சர்வதேச அமைப்புகளில் இருந்து அமெரிக்கா விலகுவதாக ஜனாதிபதி டிரம்ப் அறிவித்துள்ளார்.
இது குறித்து வெள்ளை மாளிகை தெரிவித்துள்ளதாவது: அமெரிக்க நலன்களுக்கு எதிராக செயற்படுவதாக கருதப்படும் 35 UN அல்லாத குழுக்கள் மற்றும் 31 UN அமைப்புகளுக்கு நிதி வழங்குவதையும், அவற்றுடன் தொடர்பு கொள்வதையும் நிறுத்தும் படி அனைத்து அரசு நிறுவனங்களுக்கும் குறித்த உத்தரவிடப்பட்டுள்ளது.
UN பருவநிலை ஒப்பந்தம் உட்பட 66 சர்வதேச அமைப்புகளிலிருந்து அமெரிக்கா விலகும் உத்தரவில் டொனால்ட் டிரம்ப் கையெழுத்திட்டுள்ளார். இந்நடவடிக்கை அமெரிக்காவின் தேசிய நலன்களுக்கு இனி சேவை செய்யாத அமைப்புகளை இலக்காகக் கொண்டுள்ளது என்றும் தெரிவிக்கப்பட்டுள்ளது.
UN பருவநிலை ஒப்பந்தம், இந்தியாவும் பிரான்சும் இணைந்து வழி நடாத்தும் தூய்மையான எரிசக்தி முன்னெடுப்பான சர்வதேச சூரிய சக்தி கூட்டமைப்பு, இயற்கை பாதுகாப்புக்கான சர்வதேச ஒன்றியம், பருவ நிலை மாற்றம் குறித்த அரசுகளுக்கிடையேயான குழு உட்பட 66 அமைப்புகளிலிருந்து அமெரிக்கா விலகியுள்ளது.
0 Comments