முன்னாள் ஜனாதிபதிகள் உரிமைகள் சட்டத்தை இரத்துச் செய்வதற்கான சட்டமூலம் வர்த்தமானியில் வெளியிடப்பட்டுள்ளது. இதன்படிஇ இச்சட்டமூலம் நிறைவேற்றப்பட்ட நாளிலிருந்து பின்வரும் உரிமைகள் இரத்து செய்யப்படுவதாக தெரிவிக்கப்பட்டுள்ளது.
முன்னாள் ஜனாதிபதிகள் மற்றும் அவர்களுடைய குடும்பத்தினருக்கு வழங்கப்பட்ட விஷேட சலுகைகளை இரத்துச் செய்யும் வகையில்இ ஜனாதிபதியின் உரிமைகள் சட்டத்தை இரத்து செய்வதற்கான சட்டமூலத்திற்கு அமைச்சரவை அண்மையில் அனுமதி வழங்கியிருந்தது. முன்னர்இ ஜூன் மாதத்தில் 1986 ஆம் ஆண்டின் 04 ஆம் எண் ஜனாதிபதி உரிமைச் சட்டம் மற்றும் 1977 ஆம் ஆண்டின் 1 ஆம் எண் பாராளுமன்ற ஓய்வூதியச் சட்டம் இரண்டையும் இரத்துச் செய்வதற்கான சட்டத்தை வரைவதற்கும் அமைச்சரவை ஒப்புதல் அளித்தது.
இச்சீர்திருத்தங்கள் முன்னாள் ஜனாதிபதிகள் மற்றும் பாராளுமன்ற உறுப்பினர்களுக்கு ஆண்டு காலத்திற்குப் பின்னர் வழங்கப்படும் வாழ்நாள் ஓய்வூதியம் உட்பட நீட்டிக்கப்பட்ட சிறப்பு சலுகைகளை திறம்பட நிறுத்தும். இச்சட்ட சீர்திருத்தத்தை எளிதாக்குவதற்கு 02 வரைவு சட்டமூலங்களைத் தயாரிப்பதற்கு சட்ட வரைவாளருக்கு அறிவுறுத்துவதற்காக நீதி மற்றும் தேசிய ஒருங்கிணைப்பு அமைச்சர் சமர்ப்பித்த முன்மொழிவை அமைச்சரவை அங்கீகரித்துள்ளது.
0 Comments