சீனாவின் (China) ஹுனான் மாகாணத்தில் மிகப் பெரியதொரு தங்கச் சுரங்கம் கண்டுபிடிக்கபட்டுள்ளதாக சர்வதேச ஊடகங்கள் செய்தி வெளியிட்டுள்ளன.
அதனை தற்போது சீனா உறுதி செய்துள்ள நிலையில், அங்கு 1,000 தொன் எடை கொண்ட மிகப் பெரிய தங்கம் கண்டுபிடிக்கப்பட்டுள்ளது.
இந்த தங்கம் என்பது டிஜிட்டல் மொடலிங் தொழிநுட்பத்தின் அடிப்படையில் பூமிக்கு அடியில் கண்டுபிடிக்கப்பட்டுள்ளது.
ஹுனானில் ஏற்கனவே இருக்கும் வாங்க் தங்க சுரங்கத்திற்கு அருகிலேயே இது அமைந்துள்ளது.
இந்த தங்கப் புதையலின் மொத்த மதிப்பு 83 பில்லியன் அமெரிக்க டொலர் என்று தெரிவிக்கப்படுகிறது. அது மட்டுமின்றி இது உலகின் மிகப்பெரிய தங்க சுரங்கமென்றும் தெரிவிக்கப்படுகின்றது.
தென்னாபிரிக்காவின் தெற்கு சுரங்கத்தில் 930 தொன் தங்கம் இருப்பதாக கண்டறியப்பட்ட நிலையில் இது அதனை விடவும் பெரியது என்பதை சீனா உறுதி செய்துள்ளமை குறிப்பிடத்தக்கது.
0 Comments