ரெட்ரோ படத்தையடுத்து நடிகர் சூர்யா, RJ பாலாஜி இயக்கும் கருப்பு படத்தில் நடித்து முடித்துள்ளார். இப்படம் சூர்யா நடிக்கும் 45 வது திரைப்படம் ஆகும்.
இந்த படத்தை ட்ரீம் வாரியர் பிக்சர்ஸ் நிறுவனம் தயாரித்துள்ளது. நடிகை திரிஷா படத்தின் கதாநாயகியாக நடித்துள்ளார். இப்படத்தில் சூர்யா வக்கீல் கதாப்பாத்திரத்தில் நடித்துள்ளார்.
மேலும், இவர்களுடன் ஸ்வாசிகா, மலையாள நடிகரான இந்திரன்ஸ், யோகி பாபு, ஷிவாதா, சுப்ரீத் ரெட்டி, அனகா மாயா ரவி ஆகியோர் நடித்துள்ளனர். இந்த படத்திற்கு இளம் இசையமைப்பாளரான சாய் அபயங்கர் இசையமைத்துள்ளார்.
குறித்த திரைப்படத்தின் ரிலீஸ் இன்னும் உறுதியாகவில்லை. திரைப்படம் பொங்கலுக்கு வெளி வரலாம் என்று எதிர்ப்பார்க்கப்படுகிறது. படத்தின் ரீ -ரெகார்டிங் பணிகளை சாய் அபயங்கர் செய்து முடித்துள்ளார்.
கருப்பு படத்தின் முதல் சிங்கிள் வெளியாகும் திகதியை படக்குழு நேற்று (18) அறிவித்தது. இதன்படி, தீபாவளி பண்டிகையை முன்னிட்டு வரும் 20ம் திகதி அன்று கருப்பு படத்தின் முதல் பாடல் வெளியாகும் என்று தெரிவிக்கப்பட்டுள்ளது.
முதலாவது பாடல் 'GOD MODE' நாளை வெளியாகும் நிலையில், இப்பாடலின் ப்ரோமோ இன்று (19) மாலை வெளியாகியுள்ளது.
0 Comments