சீனாவின் ஹெய்லாங்ஜியாங் மாகாணம் ஹார்பின் நகரிலுள்ள ஒரு விடுதியில் பாரம்பரிய சீன மருத்துவ முறைப்படி ஹொட்பாட் குளியல் முறையொன்று அறிமுகம் செய்யப்பட்டுள்ளது.
05 மீட்டர் விட்டமுள்ள ஒரு வட்ட வடிவ தொட்டியில் வெந்நீர் நிரப்பப்பட்டுள்ளது. அது பார்வையாளர்களைக் கவர்ந்து வருகிறது.
ஒரு பிரிவு சிவப்பாகவும், மற்றொரு பிரிவு வெள்ளை நிறத்திலும் காணப்படுகிறது. இத்தொட்டியில் சிவப்புப் பக்கமுள்ள தண்ணீரில் மிளகாய், கத்தரிக்காய், முட்டைக்கோஸ் போன்றவை நிரப்பப்பட்டுள்ளன.
வெள்ளை பக்கமுள்ள பிரிவில் பால், சிவப்பு பேரீத்தம்பழம், பெர்ரி பழங்கள் நிரப்பப்பட்டுள்ளன.
இதுபோன்ற சூடான, சூப் போன்ற குளங்களில் பொதுமக்கள் மூழ்கி எழும்போது அவர்களுக்குப் புத்துணர்வு கிடைக்கிறது என்றும் சீனாவிலிருந்து வெளியாகும் பத்திரிகையொன்று செய்தி வெளியிட்டுள்ளது.
தற்போது இது போன்ற ஹொட்பாட் குளியலை மேற்கொள்வதற்கு சுற்றுலாப் பயணிகள் ஆர்வம் காட்டி வருகின்றனர். இதற்கு இலங்கை ரூபாவில் 8500 ரூபாய் வரை கட்டணம் அறவிடப்படுவதாக தெரிவிக்கப்படுகிறது.
0 Comments