இலங்கை அணியின் வேகப்பந்து வீச்சு ஆலோசகராக லசித் மாலிங்க நியமனம்

இலங்கையின் ஆடவர் தேசிய கிரிக்கெட் அணியின் வேகப்பந்து வீச்சு ஆலோசகர் பயிற்றுவிப்பாளராக லசித் மாலிங்க நியமிக்கப்பட்டுள்ளார். 

இலங்கை கிரிக்கெட் நிறுவனம் குறித்த அறிவிப்பை உத்தியோகபூர்வமாக வெளியிட்டுள்ளது. இந்நியமனமானது டிசம்பர் 15 தொடக்கம் 2026 ஜனவரி 25 வரையான குறுகிய கால அடிப்படையிலானதாகும் என்று இலங்கை கிரிக்கெட் நிறுவனம் தெரிவித்துள்ளது.

2026 ஆம் ஆண்டு நடைபெறவுள்ள ICC ஆடவர் T20 உலகக் கிண்ணத் தொடருக்காக இலங்கை அணியைத் தயார்படுத்தும் ஒரு அங்கமாக இந்நடவடிக்கை மேற்கொள்ளப்பட்டுள்ளது.