உலகின் மோசமான நாடுகளின் வரிசையில் இடம் பிடித்த இலங்கை.

உலகில் வாழ்க்கைத் தரம் குறைந்த நாடுகளின் வரிசையில் இலங்கை 02 ஆம் இடத்தை பெற்றுள்ளது. 2025 ஆம் ஆண்டுக்கான உலகின் வாழ்க்கைத் தரம் மிகக் குறைந்த நாடுகளின் பட்டியல் வெளியிடப்பட்டுள்ளது.

இந்த தர வரிசையில் நைஜீரியா முதல் இடத்தை பெற்றுள்ளது. உலகின் மிகவும் மோசமான வாழ்க்கைத் தரத்தைக் கொண்ட நாடுகளின் வரிசையில் நைஜீரியா முதல் இடத்தையும், இலங்கை 02 ஆம் இடத்தையும் பங்களாதேஷ் 03 ஆம் இடத்தையும் பெற்றுள்ளன.

வாழ்க்கைத் தரம் மோசமான நாடுகளின் வரிசையில் நைஜீரியா பூச்சியம் (0) புள்ளிகளுடன் முதலிடத்தையும், 61 புள்ளிகளுடன் இலங்கை இரண்டாம் இடத்தையும், 73 புள்ளிகளுடன் பங்களாதேஷ் மூன்றாம் இடத்தையும் பெற்றுள்ளன.

கொள்வனவு இயலுமை, வீடுகளை பெற்றுக் கொள்ளக் கூடிய நிலைமை, வாழ்க்கைச் செலவு, பாதுகாப்பு, சுகாதாரம், போக்குவரத்து நேரம் மற்றும் சுற்றாடல் பாதுகாப்பு உள்ளிட்ட பல்வேறு விடயங்களின் அடிப்படையில் குறித்த வாழ்க்கை தரச்சுட்டி கணிக்கப்பட்டு தர வரிசை வெளியிடப்பட்டுள்ளது.

உலகின் சிறந்த வாழ்க்கைத் தரத்தைக் கொண்ட நாடுகளின் பட்டியலில் நெதர்லாந்து, டென்மார்க் மற்றும் லக்ஸ்சம்பேர்க் ஆகிய நாடுகள் முன்னணி வகிக்கின்றமை குறிப்பிடத்தக்கதாகும்.