நடிகர் விஜயின் கடைசி திரைப்படமான ஜனநாயகனுக்கு தணிக்கை சான்றிதழ் வழங்குவதில் சிக்கல் ஏற்பட்டுள்ள நிலையில் படவெளியீடு பிற்போடப்பட்டுள்ளதாக படக்குழு அறிவித்துள்ளது.
இதற்கான தீர்ப்பு நாளை காலை வழங்கப்படவுள்ள நிலையில், காங்கிரஸ் தரப்பிலிருந்து நடிகர் விஜய்க்கு ஆதரவு பெருகி வருகின்றது.
காங்கிரஸ் கட்சியினுடைய தமிழக பொறுப்பாளர் கிரிஷ் சோடங்கர், மூத்த நிர்வாகி பிரவீன் சக்கரவர்த்தி, நாடாளுமன்ற உறுப்பினர்களான மாணிக்கம் தாகூர், ஜோதிமணி ஆகியோர் 'ஜனநாயகன்' பட தணிக்கை விவகாரத்தில் விஜய்க்கு ஆதரவாக குரல் எழுப்பியுள்ளனர்.
இதனை வைத்து பார்க்கும் போது, சட்டசபைத் தேர்தலில் நடிகர் விஜய் தலைமையிலான தமிழக வெற்றிக் கழக கூட்டணியில் காங்கிரஸ் கட்சி இணையுமா? என்ற எதிர்பார்ப்பும் நிலவி வருகின்றது.
இம்மாத இறுதியில் காங்கிரஸ் தலைவர்கள் ராகுல்காந்தி, பிரியங்கா காந்தி ஆகியோர் தமிழகம் வருகை தரவுள்ளனர். அவ்வேளையில், தமிழக சட்டசபை தேர்தல் கூட்டணி குறித்து காங்கிரஸ் கட்சி இறுதி முடிவை எடுக்கும் என்றும் இந்திய ஊடகங்கள் தெரிவித்துள்ளன.
0 Comments