புதிய கல்விச் சீர்திருத்தத்தின் கீழ் பாடசாலை நேரத்தை 2.00 PM மணி வரை நீடித்தல் மற்றும் ஒரு பாடவேளையை (Period) 50 நிமிடங்களாக அதிகரித்தல் ஆகிய தீர்மானங்களை உடனடியாக வாபஸ் பெறுமாறு தரம் பெற்ற அதிபர்கள் சங்கம் (Graded - Principals Association) கல்வி அதிகாரிகளுக்கு அறிவித்தல் விடுத்துள்ளது.
இன்று (28) நடைபெற்ற ஊடகவியலாளர் சந்திப்பில் அவர்கள் முன் வைத்த முக்கிய கருத்துக்கள்:
- நெருக்கடி நிலை: தரம் 06 இற்கான புதிய கல்வி சீர்திருத்தங்களை நடைமுறைப்படுத்துவதன் மூலமாக தரம் 7, 8, 9, 10, 11 மற்றும் உயர்தர வகுப்புகளில் கடும் நெருக்கடியான நிலை ஏற்பட்டுள்ளதாக சுட்டிக் காட்டப்பட்டுள்ளது.
- கோரிக்கை: அதிபர்கள் மற்றும் ஆசிரியர்களுடன் போதுமான கலந்துரையாடல்களை மேற்கொண்டு, அவர்களுடைய கருத்துக்களுக்கு செவி சாய்த்து நெகிழ்வுத்தன்மையுடன் செயற்படுமாறு வேண்டுகோள் விடுக்கப்பட்டுள்ளது.
- எச்சரிக்கை: ஆசிரியர்கள் மற்றும் அதிபர்களின் கருத்துக்களைப் புறக்கணித்து, எதிர்வரும் 2026 ஜனவரி 05 ஆம் திகதி முதல் பாடசாலை நேரத்தை பிற்பகல் 2.00 PM மணி வரை நீடிப்பதற்கு நடவடிக்கை எடுத்தால், கடுமையான தொழிற்சங்க நடவடிக்கையில் ஈடுபடப் போவதாக குறித்த சங்கம் தெரிவித்துள்ளது.
0 Comments